MEHR ODER WENIGER
HOOK:
Si sogn Ma ko si ned ändern, i sog des is a Mär
I wünsch ma mehr Gelossnheit, Moch aus weniger mehr
Noch jeda Ebbe kommt Flut, es is wies Leben am Meer
Monchmoi bin i im Fluss und moi gibts Gegenverkehr
Gibt mas Leben Zitronen back i ma a Dessert
Pendel zwischen Disziplin und lässigem laisser-faire
Dafür brauch kan Guru, kan Prophetn, a kan Prediger
Des werd i scho schoffn- mehr oder weniger
FLIP:
Es heisst: wüst die Wöd ändern, ja dann änder erst di
oiso fong i bei mir an: wos hob i zweng und wos zvü?
Soit i mehr laut sein und weniger stü?
oder weniger mit Logik operieren sondern eher noch Gfühl?
I man i bin ka Mensch der ois wie Müll noch aussen trogt
bin eher introvertiert, wos mei Frau andauernd rasend mocht
muass i mi laufend optimieren, wi mit Photoshop
wos bringt mehr: a Friedensliad oda a Strossenschlocht
LAIMA:
Mir reißt vü z‘oft der Geduldsfaden
Wann d‘Kinder streiten, bei Kleinigkeiten
mechat i mea Geduld haben
I bin vui gern i selber - was per se ned schlecht war
lieber mehr Empathie, weniger sturschädlert und echter
Und des Gelächter hängt oft fest in der Ironie
mehr „des habn wir verbrochn“ ois „des warn wir nu nie“
Lass mi ned unterjochen, mei Philosophie, oder is des wieder vü z vü nur i und i?
HOOK
LAIMA:
I suit vü öfter reflektieren, mi nu mehr hinterfragen
weniger faschieren, vü z‘vü steht hinten an
I steht nu immer mein Mann, hinter Familie und Frau
i zags oft zweng, artikulieren suit is scho
I fahr immer glei drüber, da bleibt nimmer vü über
In meim Kopf entstengan Bilder, es wird wilder und wilder
Und zum Schluss hättert i nu a letzte Ansag mit Handschlag
Schluss mit Schimpfen, wir sand jo ned im Landtag
FLIP:
Weniger hobn heisst ned glei Verzicht
wei Reduktion tut uns gut auf lange Sicht
drum wü i weniger Schnickschnack, weniger Hickhack, weniger sudern
dafür mehr Liebe, mehr Lust, mehr Zeit, und mehr Mut haben
für die oi di Dinge die von Bedeutung san
heul ned lang, wenn i Niederlogn erleid
wenn ma Verlust nimma ertragt, dann hod ma gor nix erreicht
häng ned dem Gestern hinterher sondern spor ma die Zeit
moch ma weniger Sorgen, denk mehr dran wos mi morgen no treibt
HOOK
DJ DAN
Evidence: „I know life throwing up my hands like set“
„Left the drama in the rearview, ain’t looked back yet“