"You're Driving Me Wild"

GROTESK 2011

Flip: I werd no narrisch wia da Edi Finga sitz wia imma ala im Studio und zimma an Beats üba de di ondan daun nur sudan kennan/ oba i pudel mi net auf, wei di hom eh kan blossn Schimma!

Skero: Du glaubst du bist da Dilla du Dillo für des was du do zamzimmerst gibt da kana an Kilo/ Ihr mochts aus Bauernregeln Philosophie oba da anzige MC von uns bin imma no i.

Huckey: Reine Utopie! Heast, des intressiat mi nimma, do beisst si d´Kotz in Schwaunz/ Kaunnst da du nix aundas suachn üba des´d nu motzen kaunnst?/ Jetzt glaubst du host d`as gschofft, jetzt host das ghobt de große Chance/ oba waunnst so weidatuast, daunn laundst amoi alloa beim Fraunz!

Laima: Ihr machts mi olle mitanaund kraunk!/ nur deppate Texta Debatten kennan mi so zaum haun/ mir reicht‘s g’scheit! I krieg a Band-Überdosis/ hab‘ akute Huckeytis und multiple Skerosis!

Huckey: I sog da wos los is: Bin scho länga im Showbiz/ Und Texte so wie deine schreib i waunn i am Klo sitz!

Laima: Wann des so is, bist du weder Profi, nu a Genie/ denn so lang wie du am Häusl sitzt, wird´s a Enzyklopädie!

Flip: Gaunz egal wie, ihr worts beide scho bessa/ wei in unsara Partie do bin i da Professa!

Skero: Glaubst jetzt bist wos bessas, du Studentenrapper/ wegn dir is hi die Streetcredibility vo Texta!

 

Ref: Noch boid 20 johr wirds uns monchmoi zsteil/ Ma frogt si mit da Zeit samma wirklich no Freind/ Ma kennt jeden im Detail und oft is des org weil: You´re driving me wild!

 

 

Skero: Wie lang so denn des no geh is des imma no so schee/ hobts es des no ned gschnoid wir san längst aus der Mode/ des woa mei letzte Strophe i dad gern in Pension geh und die neichn Texta Tracks san a ka Kanone.

Huckey: I glaub du host an Vogl, redst mea Schaas ois de Krone!/ Und waunn´s di nimma gfreit: Es ged a ohne Skerone!/ Und mit deim Soloalbum host jo e a nix grissn/ Aussa bei de Hirschen in de Grossraumdissn!

Flip: Du bist jo gross am Dissn und gross am Attackiern/ do mit deine Plottn konn i ma mei Zimma tapezieren/ oba immahin, zumindest worts produktiv/ nur wo wor da Laima?/ ajo vor Gericht!

Laima: Wer wass ob des stimmt, aber wann, war's ned schlimm/ denn im Gegensatz zu eich Deppen hab' i jetzt a Kind!

Flip: Na wauns da wos bringt, dann loss i da die Freid/ do dei Rhymetimimg is no imma ned tight!

Skero: Ma hots ned leicht mit eich Spinna vielleicht lohnt se des Kämpfen/ für an Wiener sats es Linza scho komische Menschen.

Laima: Deine und Dan´s Tendenzen zum Ewig zspät kumma/ bringan mi zum Ausflippen,I brauchat a Kummanumma/ bei der Numma kumma umma wie gehässige oide Manna!/ Deswegen renna ma oft hass wie da Huckey in da Sauna!

Huckey: Schau ma moi wie laung´s nu dauat. Ois valiat amoi sein Zauba. I wass nua ans: Waunn ma aufhean, daunn trong de Gondln Traua!

Ref