FLIP:
Es is a neuer Tog, i reiss de Vorhäng auf
dichter Nebel in da Stodt, olles grau in grau
mei Mogn is no ganz flau, brauch an Tee mit Croissant
Morgenkuss für mei Frau, da bua mocht Radau
mei miese Stimmung sinkt wann i nur aussi schau
Ende November i hoit den Winter jetzt scho ned aus
do dann geh i in mei Innerstes suach mei Balance
wei hinter die Wolken gibts a Sonn die locht
LAIMA:
Oba no is no ned da, und des zipft mi o
Oiso steig i auf auf mei Radl, fahr dem Wetter davon
I gspür de Tropfen wie Stiche auf der ledernen Haut
überall Matsch und Gatsch – der uns alles versaut
Weiß und grau gleichen se an und san jedem vertraut
Autofahrer hupen, denn se stecken im Stau
Da Verkehr bleibt liegen wia a Kebap im Bauch
Do würd jeder unterschreiben, dass er des Wetter ned braucht
HOOK:
Schneeregen, nui Grad
aufm Weg klebt der Batz
Die ganze Stadt getaucht in am Grauton
kaum Leut draußt, ois waradens auszogn
Schneeregen – Wind – Frost
FLIP:
Wieso bin i aussa bei da Tir?
mei Lung kollabiert und mei Nosn dafriert
bei der Költn die in jede Körperritzn einiziagt
i steig in a Latschn jetzt hob i nosse Fiass
I bin mit Sneaker aussi, des wor a schlimmer Fehler
brauchat Fellpatschal wie da Hansi Hinterseer
wann i in die Gsichta da Leit scho bin i ned alla
ned nur Junkies san heid grantig im Beserlpark
nur die Bim is bummvoi, die ganzn Gschäfter lar
die Stadt wirkt so einladend wie wanns a Festung war
steck fost fest im Gatsch, erzöh ma nix von Winterzauber
bleda Marketingschmäh für Schiurlauber
Frost, koide Schaua, heid brauch i a Sauna
nix wia ham wei sonst kriag i a Trauma, bitte glaub ma
i bin wirklich ned gschoffn für so Temperaturen
schau nach hinten siag im Schnee meine Spuren..
LAIMA:
Da Schneeregen passt heut ganz guad zu meiner Gemütsverfassung
In mia tobt a Wetter von der größerwerdenden Überfrachtung
Bin i des selber, oder macht mi die Welt zum Prügelknaben?
Hirnknoten gehen schwara aussa, ois a Bügelfalten
Schau übern Hügel, san des etwa Sonnenstrahlen?
Und glei wird ma leichter, wie die Farben in mei Wohnung fallen
Öfter brauchts an Schütter, damit ma wieder des Schöne schätzt
Des Leben ist ka Postkarten nach Schema F
HOOK
DJ DAN
Bum Bum Kunst: „Heier is der Winter länger“