LAIMA:
Nervt di da Chef, nimmt er di aus?
Geht’s da schlecht, fühlst di schlecht?
Jo dann lass amoi raus!
Hau aufn Putz, gib da an Ruck, ma kann ned ois immer owischlucken
Lass moi ab den Druck, bist a gstandene Frau, oder a Barbie-Puppn?
Ned immer owischlucken, zag eam auf, so die Grenzen sand, du bist die Venus, und dei Symbol des Pentagram
Sag eam ruhig die Meinung, richte am die Wadeln vieri, wohin er die Firma führt, ist ins Harakiri
FLIP:
Kennst du des a, wann di ois voi aufregt
wei die Zeit nur sinnlos drauf geht
gehst all in, wei des hot sein Sinn
tramst scho vom Gewinn oba mochst an Bauchfleck
Rappelst di auf, Stehaufmanderl
drahst di ned im Wind wia a Fahnderl
verlieren tuat weh, des is scho ok, des lernt jeds Kind mit die ersten Zahnderl
Ausse mit da Wut, loss ruhig krochn, dann atme aus und ei
der Zorn vapufft, da Puls geht zruck, des is ka Blöff und ka Zauberei
Scho klor oft is zum schinden, Moi puderns di her wie a Prodanuttn
Die Kunst des Lebns is die Mitten finden zwischen aufpudeln und obaschluckn
HOOK:
Manchmoi hob i afoch so a Stinkwut
i durchbrich heut jede Nebelwand im Sinkflug
Aus euchre Chemtrails bau i ma an Schriftzug
heut muas oissi aussi, hinter mir die Sintflut
LAIMA:
Tausend Autos hupen Wut, olle sand Trotteln, außer du
Du stehst im Stau, rennst rot an, scho wieder so a blede Sau, na bumm
Schleich di echt jetzt, da habens ich drei Autos einidrängt
+Haben wir in Österreich ned so a Reißverschlusssystem?
Zerst gibst eam d’Lichthupn, dann die richtige Hupn
Fenster auf, tuast quer durchs Auto umi spucken
Aus seim fetten Schlitten klebt a riesengroßer Schlatz
Jetzt kriagst du mit, wie er di ausm Auto aussi zaht
Du liegst am Boden, ziagst di auffi mit am Klimmzug
da Strassenverkehr is da flasche Ort für Blindflug
FLIP:
Du hängst im Netz, Tog für Tog
du liest jeden hetzerischen Blog
ma muass si do wehrn ka Frog
Olle leit aufwecken is dei neicha Job
Jeden Tog mochst dutzende Posts, schreibst Kommentare, vabreitest dein Hoss
glaubst an Gerechtigkeit und storke Polizei oba glaubst kana kriagt sei Strof
wei die da oben kennans si jo richten, jeda kennt die Gschichten
die ham geheimes Wissen, mit dems uns knechten und ficken
da Gates, da Soros, die Windsors, die Clintons, di gonzn Banditen
Wissenschaft und Presse, manst, hom an Wohrheit ka Interesse
oba bei di Leit di du glaubst, is des Finden der echten Wohrheit in echt des Ollerletzte
DJ DAN
Umse: „Alle balla-balla – stress mich nicht – ich mach da nicht mit und nehm mich selber in Schutz – nervende Personen – bleibe relaxt – denn oft machen sich viele Menschen selber kaputt“ x 2