Skero: Du Bist andauernd im Wiglwogl und sichst ollas negativ/ wanns Regen gibt sichst du an Hog
l/ olle sans nur gegen di/ duast an jeden oiwei obe/ und gfreist di wanns an ondan zreisst/ Ois is z’teia, z’weid und gfeid überoi sichst weisse Meis/ Du kannst de ned entscheiden und dir foid a gornix ei/ bist im Zweifesfoi für loss mas bleibn, schreist glei noch da Kibarei/ Do misch ma se erst gorned ei/ andauernd die Raunzerei/ Es is da sogoa fost scho peinlich wonst du Weh di amoi gfreist.
Huckey: I sog da ans, und es is afoch/ warnst weng an jeden Schass Alarm schlogst/ gibt´s am End kan dea di eanst nimmt/ und olle wean song: „Der spinnt!“/ Zeas spüst oiwei in wüdn Hund/ und waunn´s um wos geht foist glei um/ und waunn die moi wos hundst wiad hoid wer aundra eintunkt!/ I kann des nimma hean, mia reicht´s scho laung mit deim Gewinsel!/ Meakst da´s ned: Du bist alan auf da söligen Insel!/ Was soi des bringa? Wos is los? Wos is des fia Philosophie?/Oba waunnst nimma wasst wiasd tuan soist, he, i hätt an Tipp fia di:
Ref: Jetzt tua ned imma so…
Sei hoid ned imma so…
Moch ned ois imma so…
Red ned so…umadum und bring´s endlich auf´n Punkt
Flip: Kaunst du bitte amoi ruhig sein?/ waun osi a Scheiss is kaunst da eigentlich glei de Puisodan aufschneidn/ mochst auf wüda Hund und Rauhbein/ do waunst a Rückgrat brauchatst zaudast, uh, do hots di mit de Baundscheibm/ ois wos fremd is jogt da Ongst ein/ ziagst den Schwaunz ein/ nur am Staummtisch do gehst üba wia a Schaumwein/ Herst wia komma so beinaund sein, i kennt da dauend ane opein, die oschrein, es is a Waunsinn!
Laima: Bitte, bitte, bitte, bitte kumm ma ned bled!/ I bin ja ned der Typ, der di und dein‘ Kumma ned versteht!/ Oiso red ned oida, i horch da ja zua!/ De meisten Leid hedn dawei von deina Sudarei scho gnua/ oba i ka Spua! I spü da eh den Psychiata/ heast moch doch ka Theater/ wirst ma du am End rabiat da?/ Oida bitte, bitte, bitte reiß‘ di zamm/ sunst bin i der, der so tuat und nimm die Fäust in´d Hand.