"Der Die Des"

GROTESK 2011

Skero: I kenn do so an Typen der is ned zum packen/ er draht so oag eine und verdraht de Fakten/ oba kana steht auf und sogt hoit de Pappn/ nur daham bei seiner Oidn steht a unterm Schlapfn.

Flip: I kenn an Typen der is smooth/ schaut Ima ind Luft/ raucht ka Tsching, trinkt kann Schluck/ steht hinten im Club/ doch waun eam Ana vo de Hawara unguat omuckt/ zuckt er aus, druckt eam ane o, bis a Bluat spuckt

Laima: Der Ane wor a Feschak und a echta Schlampenschleppa und an jed‘n Wochnend‘ fahrt er a andare zum tanzen wega./ Der And‘re war a lieaba Lotsch mit Jogging-gwand und Birkenstock,/ der d‘Frau daham zum Wiaschtl macht und Kinda mit‘n Girtl schlogt.

Huckey: Dem An is ois wuascht und dea Aundre kämpft vabissn/ Dea Ane hod a Pech und dea Aundre a schlechts Gwissn/ Dea Ane hod an Aunstaund oba sunst nie an Spass/ Dea Ane rennt geng d´Waund und der Aundre im Kras

 

Ref: Der Ane, der ondre, die Anne, die ondre, des Ane, des ondre/ die an muass ma bitten, die ondan sogn daungsche/ Der Ane, der ondre, die Ane, die ondre, des Ane, des ondre/ die an san im Mittelpunkt, die mondän bleim am rond steh!

 

Huckey: Do is de Ane, sie hasst Lisi, aus´m Lebensmittelgschäft/ Hood 7 Kinder mit´n Sigi und in der Regel imma Pech/ Boa iagendwaunn draht´s duach: „Jetzt hob i gnuag von eich Gfraster!“/ Und daunn fliagt´s noch Jamaica und bucht sie an Rasta.

Laima: Die Ane war nie bieda, a ned zwieda und a Fliedschal/ und war imma bereit für a Pantschal auf´n Divan/ dann hat‘s in Kenny kennan glernt de ondan hots zum Teifl gjogt/ seitdem is sie des Vorzeige Engal von ihrm Heisablock.

Flip: Di ane klane warat jo so gern a dame/ Sie Kennt jede reklame/ Prada, louis vuitton, armani/ Die ondare nennts a tussi wia heidi klum nur peinlich dumm / Do beide stehns im h&m und streitn si ums gleiche trum

Skero: Die ane trogt scho mit 20 nur mer Kittlschirzn/ die ondre schminkt se zfü und wü sin Kittl kirzn/ die ane hod an neichn der wos Peda hast/ die ondre hod an oidn der is Päderast

Ref

Skero: Des ane is des wos en ondan ned passt/ wann a des ane ned hom ko is des ondere donn a scho laf/ Wei des ane is des, des sunst kana packt/ wie wonnst des ondre no dawischt host, dann host des ane scho verpasst

Laima: Des ane des is ghupft und des ondare ghatscht/ des ane warme Luft und des ondre a Schaß/ oba so komott und so erprobt dass funktioniert wie auf Autopilot/ des ondere Schrott, total verzockt und trotzdem kaufts jeda Voiidiot.

Huckey: Des Ane, des is wos ma glaubt, des Aundre is Wias wiakli is/ Des Ane is wias ausschaut und des Aundre wias da Nächste sicht/ Des Ane is oft komisch, aundraseits a völlig kloa/ wie des Andre is was Anne und nix andres was sch oiwei woa

 

Flip: Das ane konn a jeda oba des ondare nur ana/ des ane is a liad des ondre carmina burana/ Des ane is kunst des ondare technik/ Des ane is rund des ondare eckig/ Des ane bringt stress, des ondare hetz/ Des ane is fresh, des ondare net

Ref